هادا خينا مطور بزااااف

دخل ريسطورون يتغدى دوموندا الشواء..دجاج..الكبدة .. كﻼ‌ كﻼ‌ وكي قرب يكمل جبد سراق الزيت من سروالو و دارو ف الطبسيل.. بدا يعيط يا واش هادا سراق الزيت؟ بغيتو تقتلونا؟ جا الغارصون قالو اسمحلنا خويا غلطة ووقعات وغداك راه خالص اسمحلينا ملي بدا خارج جا عندو واحد قالو اخويا شفتك اش درتي فكرة واعرة زعما مانلقاش عندك شي سراق الزيت زايد حتى انا بغيت نجربها ؟؟ قالو: والله ماعندي بقاتلي غي ذبانة غنتقهوا بيها هههههههه

أكثر الناس صبراً

أكثر الناس صبراً ؟ محشش يستنى شاكيرا تبدى على قناة إقرأ

قال المحشش

محشش شعل التلفزيون لقى المغنية وردة كتقول :بتونس بيــك قال المحشش : في جهنم ان شاء الله . ردّت ورده : وإنت معيا قال :نـاري بنت لحرام سمعتني

خلصتو ومركبتش

واحد الحشايشي مبوق رجع للدار وقال لمراتوا راني قولبت اليوم مول الطوبيس. قال ليه كيفاش ؟ جاوبها : خلصتو ومركبتش

من انتم

هدا توونسي و ليبي ساخطين على الوضعية ؛ التونسي قال:و فهم تسطا بعد 23 عام جا يقول لينا راني فهامتكم ؛جاوبوا الليبي:حمد الله حنا بعد 42 عام جا قال لينا من انتم?

الفلاح كايزرع الكيف

واحد الفلاح كايزرع الكيف، واحد النهار تاب هو يزرع بطاطا، ولكن ناضت ماطيشة..... الارض باقا مبوقة

كيف تصبح حمارا

واحد الحولي سمع العيد قريب …مشا اشرا كتاب ( كيف تصبح حماراً في خمسة أيام من دون معلم)

قفطان العرس

هدي واحد العروبية قالت لراجلها : واااااا المعطي وا راني معروضة للعرس إيلا بغيتي نحمر ليك وجهك شري ليا قفطان قال ليها : ماعنديش الفلوس قالت ليه : يا بيع الحمارة باع الحمارة و شرى ليها القفطان شيء شوية قالت ليه : واااااا المعطي إيلا بغيتي نزيد نحمر ليك وجهك شري ليا سروال نلبسو تحت القفطان قال ليها : ما عنديش الفلوس قالت ليه وا بيع الجحش باع الدحش و شرى ليها سروال صافي مشاو للعرس و المعطي بارك كيتفرج في رقية كتشطح في العرس. بالقفظان و السروال ما كيبانش و هو يقول ليها : من بعيد – واااااااا رقية وا تي هزي الحمارة خلي الجحش يبان

واحد الولد سول أمه

واحد الولد سول أمه: كون ما تزوجتيش بابا وما ولدتينيش وشفتيني عند الناس… تعرفيني؟

التبرع بالمال

اجتمع ثلاثة من البخلاء وقرروا التبرع بجزء من مالهم بعدما كثر كلام الناس عليهم. قال البخيل الأول: سأرسم دائرة على الأرض وأرمي المال في السماء فالمال الذي يسقط بداخلها لي والمال الذي يسقط خارجها للفقراء!! قال الثاني: أما أنا فسأرسم خطاً على الأرض وأرمي المال في السماء فالمال الذي على يمين الخط لي والمال الذي على شمال الخط للفقراء!! فقال الثالث ( وكان أشدهم بخلاً): أما أنا فسأرمي المال في السماء فالمال الذي يسقط على الأرض لي والمال الذي يبقى في السماء فللفقراء

هادو جوج غادين واحد دار

هادو جوج غادين واحد دار وواحد فيلا٠

لما لقاطع

هدا واحد لمكلخ طاحلو ساروة في سطل ديال ماء قاطع دخل يديه يقلب عليه خرجها مالقاش يديه دخل راسو يقلب على يديه